Gollıvýd juldyzy Qazaqstan azamattyǵyn almaq
ÓSKEMEN. QazAqparat - Óskemenge bir top Gollıvýd juzdyzy keldi, dep habarlaıdy QazAqparat tilshisi.
Kerı Tagava, Maıkl Medsen, Baı Lın, Mark Dakaskas jáne Erık Roberts ShQO ákiminiń shaqyrýymen Óskemnge keldi. Olar prodıýser Arman Asenovtyń basshylyǵymen Shyǵys Qazaqstan týraly fılm túsirmekshi. Ázirge fılmniń qaı janrda bolatyny belgisiz. Bir anyǵy, ol týyndy óńirdi álemge tanytý úshin túsirilmek. Kerı Tagava bul jobada bas prodıýser qyzmetin atqarady. Danıal Ahmetovtyń qabyldaýynda atalmysh akter Shyǵystyń tabıǵatyna tánti bolǵanyn aıtty.
«Men - japondyqpyn, bizdiń qazaqtarmen baılanysymyz kóp. Sizderdiń jandaryńyzda bolǵym keledi, sondyqtan Qazaqstannyń azamaty bolý josparymda bar», - dedi ol.
Gollıvýd juldyzdary bul jolǵy saparynda elimizdiń birneshe aýdanyn aralap, óńirdiń tynys tirshiligimen jáne kıeli oryndarmen tanysady.
