Gollıvýd juldyzy Astanada qydyryp júr
ASTANA. QazAqparat - Qytaıdan shyqqan Gollıvýd juldyzy Baı Lın Astanada demalyp júr, dep habarlaıdy QazAqparat.
Akter Instagram paraqshasynda Astana qalasynda qaldyrǵan estelik foto jáne beıne jazbalaryn júktegen.
1 shildede Astanaǵa kelip jetken aktrısa «Jazýǵa qarap, qaı elde ekenimdi bile alasyńdar ma», - dep jazǵan Instagram paraqshasyna.
Fanattardyń bir bóligi aeroport qabyrǵasyndaǵy «VIP ushyp kelý» dep qazaq, orys jáne aǵylshyn tilinde jazylǵan jazýǵa qarap Reseı dese, endi bir bóligi Qazaqstan ekenin tanyp jatyr.
Sondaı-aq, akter fanattaryna óziniń Qazaqstanǵa alǵashqy sapary ekendigin, bul jaqtan kóptegen fotolar men beıne jazbalar jarııalaıtyny týraly jetkizgen.
«Jańa el, jańa mádenıet jáne ómirge jańa kózǵaras. Qatty sharshadym jáne ýaqyt aıyrmashylyǵyna ne istesem bolady», - dedi ol fanattaryna.
Aıta keteıik, Baı Lın 1968 jyly 10 qazanda Qytaıdyń Sychýan provıntsııasy Chendý qalasynda dúnıege kelgen. Akterlik jolyn Qytaıda bastaǵan ol 1990 jyly AQSh-tyń Nıý-Iork qalasyna oqýǵa attanady. Osylaısha Baı Lın AQSh azamattyǵyn qabyldap, Gollıvýdtyq kınolarda óner kórsetip júr. 
