Gollıvýd juldyzy Antonıo Banderas BUU Damý baǵdarlamasynyń izgi nıet elshisi bolyp taǵaıyndaldy

Ataqty akter halyqaralyq deńgeıde kedeıshilikpen kúreske, áıelderdiń quqyqtaryn keńeıtýge, qorshaǵan ortany qorǵaýǵa qoldaý kórsetedi, dep habarlady búgin BUU Damý baǵdarlamynyń Qazaqstandaǵy ókildiginiń baspasóz qyzmeti.

«BUU Damý baǵdarlamasy ıspandyq akter Antonıo Banderasty kedeıshilikpen kúres jónindegi izgi nıet elshisi etip taǵaıyndaǵanyn jarııalady. Óziniń jańa jumysynda Antonıo Banderas Myńjyldyq damý maqsattaryna qol jetkizýge, 2015 jylǵa deıin kedeıshiktiń teń jartysyn qysqartýǵa baǵyttalǵan jahandyq deńgeıdegi mindetterge, ashtyqpen, aýrýlarmen, saýatsyzdyqpen, qorshaǵan ortanyń lastanýymen jáne áıelderdi kemsitýshilikpen kúres máselelerine basa nazar aýdarady», - delingen resmı habarlamada.

«Kedeıshilik adamnyń áleýetin damytýǵa kedergi keltiredi, onyń maqsatyna jetýine múmkindik bermeıdi, - dedi Banderas, - Sondyqtan da kedeıshilikpen kúreske barlyq kúsh-jigerimizdi jumsaýǵa tıispiz, oǵan bizde bilim de, quraldar da, bul maqsatqa qol jetkizetin resýrstar da bar».