Gollıvýd juldyzdary taǵy qazaqsha sóıleıdi
ASTANA. QazAqparat - 31 shildede otandyq kınoteatrlardyń ekranynda qazaq tiline aýdarylǵan «Galaktıka saqshylary» gollıvýd fılmi shyǵady, dep habarlady «Bolashaq» qaýymdastyǵynyń baspasóz qyzmetinen.
«Galaktıka saqshylary» 2014 jyly qazaq tiline tárjimalanǵan úshinshi gollıvýd fılmi bolmaq. Kınolenta prokatqa qazaq jáne orys tilderinde 31 shildeden bastap shyǵady», - delingen taratylǵan habarlamada.
Dýblıajǵa 20 akter qatysqan. Qazaq tildi dýblıajiniń rejısseri jas maman Tımýr Balymbetov. Bastyp keıipkerlerdiń daýysyn akterler Gúlnaz Áýesbaeva (Gamora), Baýyrjan Qaptaǵaı (Grýt) Tımýr Pııazov (Pıter Kvıll), Erjan Jarylqasynov (Roket), Rýslan Senkebaev (Draks) jáne Beıbit Qamaranov (Ronan) oqydy.
«Galaktıka saqshylary» - «Bolashaq» qaýymdastyǵy, MARWIN jáne demeýshilerdiń yqpaldastyǵy aıasynda qazaq tiline aýdarylǵan toǵyzynshy fılm.
Osyǵan deıin qazaq tiline aýdarylǵan fılmder: Tachkı 2/Kólikter-2, 2011 j; Lıýdı v chernom III/Qara kıimdiler-3, 2012 j; Hrabraıa serdtsem/Batyl júrek, 2012 j; Novyı Chelovek paýk/Jańa Órmekshi adam, 2012 j; Ýnıversıtet Monstrov/Monstrlar Ýnıversıteti, 2013 j; Odınokıı reındjer/Jalǵyz reındjer, 2013 j; Jańa Órmekshi-adam: Kernegen qýat, 2014 j.; Malefısenta, 2014 j. TREILER - https://www.youtube.com/watch?feature=player_embedded&v=HQfCMshmegU
