Gollıvýd juldyzdary Chak Norrıstiń qazasyna kóńil aıtty
ASTANA. KAZINFORM — 20 naýryz kúni 86 jasynda, amerıkalyq akter jáne jekpe-jek sheberi Chak Norrıs dúnıeden ozdy. Amerıkalyq BAQ habarlaǵandaı, ol sońǵy jyldaryn ótkizgen Gavaı aralynyń Kaýaı jerinde qaıtys boldy. Aktordyń ólimi jankúıerler úshin kútpegen jaǵdaı boldy: az ýaqyt buryn ol áleýmettik jelilerde vıdeolar jarııalap, jasyna baılanysty ázildegen edi. Bul týraly BILD jazdy.
Kınoındýstrııadaǵy áriptesteri akterdiń otbasyna kóńil aıtty. Arnold Shvartsenegger Norrısti boevık janrynyń basty ıkonalarynyń biri dep atap, dostyq pen birlesken jumystarǵa alǵys bildirdi.
Sılvestr Stallone «Neýderjımye-2» fılminiń túsirilimderin eske alyp, Norrıstiń tek ekranda ǵana emes, ómirde de qurmetke laıyq adam bolǵanyn aıtty.
Jan-Klod Van Damm pen Dolf Lýndgren de ony birneshe býyn akterler men sportshylarǵa úlgi dep sanaıtynyn jetkizdi. Lýndgren: «Qurmet, qarapaıymdylyq jáne kúsh – osy qasıetterimen erekshelendi Norrıs. Saǵynatyn bolamyz, dosym», – dep jazdy.
Chak Norrıs álemge óziniń fılmderi, «Krýtoı Ýoker» serıaly jáne Chak Norrıs týraly memder arqyly tanyldy, onda ony keremet kúshke ıe adam retinde beınelegen. Gollıvýdta ony HH ǵasyrdyń sońyndaǵy boevık janrynyń eń tanymal tulǵalarynyń biri dep ataǵan.
Eske sala keteıik, buǵan deıin Chak Norrıs 86 jasqa qaraǵan shaǵynda ómirden ozǵanyn jazdyq.
