Gollıvýd paıǵambarlarmen oınaýdy qashan qoıady? - Baspasózge sholý

ASTANA. QazAqparat - «QazAqparat» halyqaralyq aqparattyq agenttigi 27 tamyz, sársenbi kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

Osy aptadaǵy elimizde bolǵan mańyzdy saıası oqıǵalardyń biri - Pákistan Islam Respýblıkasynyń Premer-mınıstri Navaz Sharıftiń Qazaqstanǵa jasaǵan resmı sapary. Uzaq jyldardan keıin qazaq jerine taǵy tabany tıgen Navaz Sharıf «Qazaqstan - meniń ekinshi otanym» dep, aǵynan jarylǵan. Bul týraly jaza kele «Egemen Qazaqstan» gazeti eki jaqty kezdesýdiń óte mazmundy ári jemisti ótkenin habarlaıdy. «Men Qazaqstandy ózimniń ekinshi mekenim sanaımyn, sondyqtan Sizdiń elge kóp jyldan keıingi saparym aıryqsha áserge bóledi. Osy múmkindikti paıdalana otyryp, Sizdi ózińizge qolaıly ýaqytta Pákistanǵa kelýge shaqy­ra­myn. Bul - meniń Astanaǵa bi­rin­shi kelýim. Bul qala Sizdiń kó­regendigińizdiń sımvoly dep sanaı­myn. Sizdiń basshylyǵyńyzben Qazaqstan zor áleýmettik-ekono­mıkalyq jetistikterge jetti, de­di N.Sharıf. Bul saıası mańyzy salmaqty kezdesý týraly « Baılanystardy bekite túsýdegi tyń qadamdar » atty maqaladan oqı alasyzdar.

Sondaı-aq, «Egemen Qazaqstan» Atom energııasy jónindegi halyqaralyq agenttiktiń bas dırektory. ıÝkııa Amanonyń maqalasyn usynǵan. Maqalada Qazaqstan - álemdegi aldyńǵy qatarly ýran óndirýshi el ekeni, birneshe onjyldyqta- MAGATE TBÝ ban­kin ornalastyrýǵa ońtaıly jaqsy saraptamalyq resýrs jı­naqtaǵany jazylady. Qazaqstan Úkimeti men Atom ener­gııasy jónindegi halyq­aralyq agenttiktiń (MAGATE) ara­synda Qazaqstanda Tómen baıytylǵan ýran bankin (TBÝB) qurý týraly kelisimge qol qoıý bul mańyzdy qyzmettegi iri ke­zeńdi bildiredi. Qazaqstan ózin taratpaý isiniń qoldaýshysy retinde kórsete bildi. MAGATE TBÝ bankin orna­las­tyrý - bul Qazaqstannyń halyq­aralyq ıadrolyq yntymaqtastyqty nyǵaıtýdaǵy ýaqtyly jáne óte mańyzdy qadamy. Prezıdent Nazarbaevqa, sondaı-aq, Qazaqstan Úkimeti men halqyna alǵysymdy bildiremin»,-deıdi ıÝ.Amano. Sondaı-aq, MAKATE TBÝ banki Úlbi metallýrgııa zaýytynyń bolashaǵyna qatysty qandaı boljamda otyrǵanyn bilgińiz kelse, gazettiń búgingi sanyndaǵy « Qazaqstandaǵy MAGATE TBÝ banki - ıadrolyq yntymaqtastyqtaǵy mańyzdy kezeń » atty maqalany oqyńyz.

***

«Aıqyn» respýblıkalyq gazeti búgin búkil álemdi «jaýlaǵan» Gollıvýd ónimderiniń mazmuny men mánine taldaý jasaǵan. Jasyratyny joq, Gollıvýd túsiretin fılmderdiń jer sharynda suranysy joǵary. Biraq, sol Gollıvýd alty qurlyqtaǵy adamzattyń salty men senimi ártúrli ekenin eskere me? Bul taqyryp tóńireginde taldaý júrgizgen gazet «Basqasyn aıtpaı-aq qoıaıyq, Gollıvýd qazir búkil álem qurmetpen qaraıtyn din taqyrybyn qoıyrtpaqtap bitti. Dinı qaıratkerdiń, tulǵanyń ústine qoqys tóńkere salý olarǵa túk te emes» degen oı túıipti. «Byltyr ǵana jaryqqa shyqqan Darren Aronofskıdiń «Noı» fılmi biraz jurttyń shymbaıyna tıdi. Stse­narıı avtorlary Іnjil qıssalary bo­ıyn­sha túsirildi degen osy fılmniń «tigisin jatqyzyp» jibergenge uq­saı­dy. Óıtkeni fılmde musylmandar qur­metteıtin Nuh paıǵambardyń elesi de joq. Sodan bolar, «Noıdy» kór­se­týge musylman elderiniń birazy tyıym saldy. Tipti ishinara fılmge hrıstıan shirkeýleri de qarsy boldy. Sonda ba­ǵanaǵy Іnjil qıssalary boıynsha tú­sirildi degeni qaıda qaldy? Gollıvýd «Noıdy» túsirerde spe­ts­ef­fekterge, fantastıkalyq sıý­jet­terge kóbirek urynǵan. Eshqandaı qı­synǵa kelmeıtin tas qubyjyqtar júr. Olar buryn basqa tirshilik bol­ǵan-mys. Sóıtip, Adam paıǵambarǵa járdem berý úshin Jerge kelgen. Sol sátte Qudaıdyń qaharyna ushyrap tasqa aınalǵan-mys. Kınoda Noıdyń keme qurastyrýyna osy tas quby­jyq­tar kómektesedi. Quran men Іnjilde bar ma osy sıýjet? Kınonyń taǵy bir jerinde Noıdyń o dúnıelik bolǵan atasymen jolyǵatyn kórinis bar. Bul da oıdan shyǵarylǵan qospa. Jalpy alǵanda, Darren Aronofskı Nuh­- tyń adamzatqa jiberilgen paıǵambar ekenin umytyp ketken sııaqty. Nemese jorta istegen bolýy múmkin. Áıtpese dinnen habary bar adam din tarıhyn­da múldem joq mysaldarmen bylyq­tyrar ma edi» dep jazady basylym. Bul taqyryp sizdi qyzyqtyrsa, «Aıqyn» gazetiniń búgingi sanyndaǵy « Gollıvýd paıǵambarlarmen oınaýdy qashan qoıady?» degen maqalany oqyńyz.

Sondaı-aq, «Aıqynnyń» búgingi sanynda ádebıetshi-ǵalym, fılologııa ǵylymdarynyń kandıdaty Ermek Qanykeıdiń ádebıetke de, jýrnalıstıkaǵa da jaqyn - syn janry týraly suhbaty jarııalanǵan. Ǵalym aqyn jazýshy men oqyrmannyń arasy tym alshaqtap ketkenin aıtyp, oı bildirgen. «Alshaqtaǵanda, sumdyq al­ys­­tap ketti», - deıdi ádebıetshi, «oqyrmannyń kóńi­li qaldy. Osyny moıyn­daýymyz kerek. Ózderiniń oqıtyn az ǵana toby bar. Máselen, jastardyń shy­ǵarmalaryn úzbeı oqıtyn men barmyn. Ózimniń maman­dyǵym áde­bıetshi bolǵandyqtan, únemi qadaǵalap júremin. Meniń aına­lam­daǵylardyń bireýi de oqymaı­dy. «Ne aıtyp otyr?» dep su­raı­dy. Olardyń ne aıtyp otyrǵanyn aınalamdaǵylarǵa túsindirip aıta almaımyn. Óıt­keni maman retin­de ózim túsine almasam, olar qaı­dan uqsyn? Olar ózderin tereńdep kettik dep oılaıdy. Múmkin, te­reń­dep te ketken shyǵar. Intel­lektýaldyq tereń ekenin kórset­kisi keledi shyǵarmalarynda»,-deıdi E.Qanykeı. Ǵalymnyń qazaq ádebıetiniń búgingi jaı-kúıi týraly «Platon - bárimizdiń dosymyz, biraq aqıqat odan da qymbat...» degen taqyryptaǵy suhbattan tolyq oqı alasyzdar.