Gollıvýd qazaq kınosyna ınvestıtsııa quıady - Arystanbek Muhamedıuly
«Bizdiń mindetimiz álemniń jetekshi kınokompanııalarymen shedevr túsirý. Jaqynda ǵana Los-Andjeleste Aqan Sataevtyń «Anaǵa aparar jol» fılmin, klassıkamyz - «Qyz Jibekti», Rústem Ábdirashevtiń «Almas Qylyshyn» jáne Elbasy týraly «Balalyq shaǵymnyń aspany» týyndylaryn kórsettik. Ózderińiz jańalyqtardan kórgendeı, fılmder eleýli tabysqa qol jetkizdi. Kórsetilim kezinde álemdik kınokompanııalardyń jetekshilerimen júzdestik. Paramount Pictures, Warner Brothers, HBO, Disney syndy kınokompanııalardyń vıtse-prezıdentteri Qazaqstan naryǵyna qatysýǵa nıet bildirdi. ıAǵnı, olardyń ınvestıtsııalary men shyǵarmashylyq áleýetin Qazaqstanǵa ákele alamyz», - dedi mınıstr Parlament Májilisindegi Úkimet saǵatynda.
Onyń aıtýynsha, qazaqstandyq prokattaǵy otandyq kıno úlesi 6 paıyzdy quraıdy. 2014 jyldan bastap, mınıstrliktiń tapsyrysy boıynsha, 194 kartına shyǵaryldy. Úsh jylda 200-den astam kartına kóptegen festıvalder men halyqaralyq kórsetilimderge qatysty.
