Gollıvýd akterleriniń ereýili aıaqtaldy

AQSh-tyń kıno akterleri, televızııa jáne radıo ártisteriniń gıldııasy SAG-AFTRA Kıno jáne televızııa prodıýserleriniń alıansymen aldyn-ala kelisimge kelgenin habarlady. Eki uıym arasynda quny 1 mlrd dollardy quraıtyn kelisim jasaldy, dep habarlaıdy Kazinform DW jańalyqtaryna silteme jasap. 

Kelisim eń tómengi tólemderdi arttyrýdy, federatsııa múshelerin jasandy ıntellekt qaýipterinen qorǵaý sharalaryn jáne birneshe túsirilimge qatysý bonýsyn qamtıdy.

160 myńǵa jýyq ártistiń múddesin alǵa tartqan akterler kásipodaǵy 14 shildede ereýilge shyǵyp, AQSh kınoındýstrııasyndaǵy barlyq óndiristi toqtatqan edi. Akterlar jalaqyny kóbeıtýdi, artyq jumys istegeni úshin ótemaqy tóleýdi jáne kınematografııada jasandy ıntellektini paıdalanýǵa shekteý qoıýdy talap etti.

9 qazanda taraptar kelisimge kelip, narazylyq aktsııalary aıaqtaldy.

Buǵan deıin habarlaǵanymyzdaı, stsenarısterdiń ereýili Gollıvýd ekonomıkasyn aıtarlyqtaı kúıretti.

Financial Times gazetiniń habarlaýynsha, Gollıvýd stsenarısteri men akterlerdiń ereýili salaǵa 5 mlrd dollardan astam (shamamen 4,7 mlrd eýro) shyǵyn keltirgen.

Sonymen qatar, ereýil saldarynan 18 qyrkúıekte ótýi tıis bolǵan Emmy syılyǵyn tapsyrý rásimi kelesi jylǵa qaldyrylǵan edi.