Gollıvýd akteri Nıkolas Keıdj trıýk oryndaý kezinde aıaǵyn syndyryp aldy
ASTANA. QazAqparat - Bolgarııadaǵy "211" fılminiń túsirilimi kezinde gollıvýdtyq akter Nıkolas Keıdj aıaǵyn syndyryp aldy. Ártis Sofııadaǵy Boıana kınoortalyǵynda trıýk oryndap jatqanda jaraqattandy, dep habarlaıdy Maritsa jergilikti basylymy.
Keıdj óziniń jańa fılminde polıtseıdiń rólin somdaıdy. Ol Bolgarııaǵa shamamen úsh apta jumys jasaý úshin sáýir aıynyń ortasynda kelgen bolatyn.
Keıdj jatqan Áskerı-medıtsınalyq akademııasy klınıkasynyń dárigerleri oǵan shuǵyl em qabyldaýdy eskertti. Alaıda, ártistiń jeke dárigerimen keńese otyryp, ony jedel túrde AQSh-qa jiberý týraly sheshim qabyldandy. Jýyq arada akterǵa Los-Andjeleste ota jasalady.
