Gollıvýd akteri Mıkkı Rýrk Shyńǵyshannyń rolin oınaıdy
ASTANA. Sáýirdiń 28-i. QazAqparat - Gollıvýd juldyzy Mıkkı Rýrk Djon Mılıýstiń jańa fılminde Shyńǵyshandy oınaıtyn boldy.
Bul týraly akter batys buqaralyq aqparat quraldaryna bergen suhbatynda málim etti, dep habarlaıdy Utro.ru saıty.
"Mılıýs álemge tanymal sheber. Ol «Konon-varvar», «Grıaznyı Garrı» jáne "Apokalıpsıs segodnıa" sııaqty tanymal fılmderge stsenarıı jazǵan. Ony rejısserlyq qyrynan kórý qyzyqty boldy. Men Shyńǵyshandy oınaımyn», -dep málim etti akter óz suhbatynda.
Akterdiń aıtýynsha, Shyńǵyshannyń tarıhy onyń nemeresiniń atynan baıandalatyn bolady. Shyńǵyshan týraly fılmniń túsirilimi Úndistanda jáne Qytaıda ótedi dep josparlanýda.
