Gollıvýd akteri Leonardo Dı Kaprıo ekologııalyq uıymdarǵa $15 mln berdi
ASTANA. QazAqparat - Belgili gollıvýd akteri jáne prodıýser Leonardo Dı Kaprıo ekologııalyq uıymdarǵa, onyń ishinde Afrıka men Amazonııanyń tropıkalyq ormandaryndaǵy tabıǵatty qorǵaýmen aınalysatyn uıymdarǵa 15 mln dollar berdi.
Bul týraly NBC telearnasy habarlady.
Grant alǵan qorlardyń ishinde Amazon Watch, Save The Elephants, Tree People ı World Wildlife Fund bar.
"Ǵalamsharymyzdaǵy tabıǵatty búldirý údep keledi. Sondyqtan buǵan nemquraıly qaraýǵa bolmaıdy, - dedi akter arnaıy málimdemesinde. - Biz Jer turǵyndary qorshaǵan ortany lastamaıtyn bolashaq qurýǵa jaýaptymyz".
Qorshaǵan ortany qorǵaý maqsatymen 1998 jyly Dı Kaprıo Leonardo DiCaprio Foundation atty óz qoryn qurdy. Búginde uıym 40 elde jumys isteıdi.
Ótken jyldyń qyrkúıek aıynda Dı Kaprıo klımattyń ózgerýi máseleleri boıynsha BUU elshisi atandy.
