Gollandyq jýrnalısten apatqa ushyraǵan MH17 jolaýshysynyń súıegi tabyldy
ASTANA. QazAqparat - Táýelsiz gollandyq jýrnalıst Mıhel Spekkerste tabylǵan súıek Donetsk mańynda apatqa ushyraǵan malaızııalyq «Boıng-777» ushaǵynda qaza tapqan jolaýshylardyń birine tıesili, dep málimdedi gollandyq prokýratýra.
Lenta habarlaǵandaı, Spekkers pen onyń áriptesi Stefan Bek 2016 jyldyń sońynda apatqa ushyraǵan malaızııalyq «Boıng-777» ushaǵyn zertteý maqsatynda Donbassqa barady. On kún ótkesin, 7 qańtar kúni Nıderlandyǵa qaıtyp kelgen soń quqyq qorǵaý organy olardy áýejaıda toqtatady. Barlyq jınalǵan materıaldardan basqa, jýrnalısterden vıdeokamera, fotoapparat, telefondar, noýtbýktar, jady kartasy, dıktofon men apat ornyndaǵy taspalar alyndy. Spekkers pen Bek qamaýǵa alynǵan joq.
12 qańtar kúni Nıderlandy soty tárkilengen fotomaterıaldardyń tergeý jumystarynda qoldanylatyny jaıly úkim shyǵardy.
2014 jyldyń 17 shilde kúni MH17 reısimen Amsterdamnan Kýala-Lýmpýrǵa baǵyttalǵan Malaysia Airlines áýe kompanııasynyń «Boıng-777» ushaǵy Donetskide apatqa ushyrady. Bortaǵy barlyq 283 jolaýshy men ekıpajdyń 15 múshesi qaza tapty, olardyń kópshiligi Nıderlandy azamattary bolǵan.
