Gollandııanyń jas fýtbolshylaryna tóreshini óltirdi degen aıyp taǵylyp otyr
ASTANA. 7 jeltoqsan. QazAqparat - Gollandııa soty úsh jas fýtbolshyǵa tóreshini óltirgenderi úshin resmı aıyp taqty, dep habarlaıdy VVS.
Olardyń kinálary dáleldengen jaǵdaıda jetkinshekter bir jyldan eki jylǵa deıin bas bostandyqtarynan aıyrylýy múmkin.
Eske salaıyq, búıir tóreshi Rıchard Novehýızen (Richard Nieuwenhuizen) 2 jeltoqsan kúni ótken jastar chempıonatynyń matchy barysynda "Noıv Sloten" (Nieuw Sloten) Amsterdam klýbynyń fýtbolshylary oǵan shabýyl jasaǵannan keıin kóz jumdy.
14-15 jastaǵy sportshylar 41 jastaǵy arbıtrdi qoldarymen jáne aıaqtarymen soqqylaı bastaǵan. Er kisi qashpaqqa árekettendi, biraq jastar ony qýyp jetip, urýlaryn jalǵastyrdy. Saldarynan referı kelesi kúni mert boldy. Tóreshige jasalǵan shabýyldyń mán-jaıy áli kúnge deıin naqty anyqtalǵan joq.
Qylmys Nıderlandyny ǵana emes, bútin álemdi eseńgiretip, qoǵamnyń ashýyn týdyrdy. Onyń ústine, "Noıv Sloten" fýtbolshylarynyń qarsylas komandasynda qaza bolǵan tóreshiniń uly boldy.
