Gollandııalyqtar Zerendi aımaǵyn damytýǵa atsalyspaq
KÓKShETAÝ. QazAqparat-Qazaqstan Respýblıkasyndaǵy Nıderlandy koroldiginiń qurmetti konsýlynyń keńesshisi Marsel de Moreı jumys saparymen Aqmola oblysynyń Zerendi aýdanynda boldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Sapar aıasynda qonaqtar Zerendi eldi mekenindegi «Avrora garden» jáne «Zeren-Nýr» demalý oryndaryn aralap kórip, týrıstik qyzmet kórsetý sapasymen tanysty.
«Meniń saparymnyń basty maqsaty týrıstik salany damytýda seriktes retinde birlesip jumys isteý múmkindigin qarastyrý», dedi Marsel de Moreı.
Ekskýrsııa kezinde nıderlandylyq qonaq Zerendiniń taza aýasyn jutyp, sulý, tamasha tabıǵatyna tánti boldy.
«Konkı, shańǵy joly, monsha, muz aıdyny, arqan jol jáne aǵash úıler bul bizdiń eldiń halqy úshin qyzyqty da, tartymdy bolatyny sózsiz», degen pikirin bildirdi ol.
Sonymen qatar, Zerendi jerine sheteldik týrısterdi tartýdyń birden bir joly retinde osynda gollandııalyq jýrnalısterdi shaqyrtyp, óz elindegi BAQ arqyly nasıhattaý týraly usynysyn da bildirdi.
Sapary sońynda Marsel de Moreı Zerendi aýdanynyń ákimi Mereke Mustafınmen kezdesti. Onda týrızmdi damytý ekijaqty saýda-ekonomıkalyq qatynasy talqylandy.
Eske sala keteıik, Nıderlandy elimizdegi basty ınvestorlardyń birinen sanalady. Sońǵy 20 jyldyń ishinde el ekonomıkasyna barlyǵy 70 mıllıardtan astam ınvestıtsııa tartyldy. Qazirgi kezde respýblıka aýmaǵynda 800-den astam Qazaqstan-Nıderlandy birikken kásiporny jumys isteıdi.
