Gollandııalyqtar ushatyn avtomobılderdi satylymǵa shyǵardy
ASTANA. QazAqparat - Nıderlandynyń PAL-V fırmasy ózderi qurastyrǵan ushatyn mashınanyń eki úlgisin jappaı satylymǵa shyǵardy, dep habarlaıdy reseılik life.ru .
Olar ushatyn avtomobıl jasaýǵa 2009 jyly kirisken edi. 2012 jyly alǵashqy nusqa ázirlendi. Al, 2017 jyly PAL-V fırmasy Liberty Pioneer jáne Liberty Sport atty eki úlgisine tapsyrys qabyldap, shyǵara bastady.
Ushatyn kólik qurastyrýshylardyń habarlaýynsha, olardyń ónimderi barlyq qaýipsizdik talaptaryna saı jasalǵan. PAL-V tutynýshylarynyń avtomobılderi 2018 jyldyń sońyna qaraı tabystalady. Ol ýaqytqa deıin PAL-V ónimderi qoldaný úshin tolyǵymen sertıfıkattalyp bitedi.
PAL-V bas dırektory Robert Dıngemans óz óniminiń basty naryǵy retinde Soltústik Amerıkany atady. AQSh, Kanada, Meksıka jáne Bermýd araldarynda ushatyn avtomobılge tapsyrys bergen tutynýshylar bar kórinedi.
