Gollandııalyqtar kenetten uzaryp ketti
ASTANA. QazAqparat - Shaǵyn eýropalyq Nıderlandy eliniń turǵyndary sońǵy bir jarym ǵasyrda shamamen 20 sm-ge uzaryp, álemdegi boıy eń uzyn adamdarǵa aınaldy.
Áńgime Gollandııada týyp-ósken baıyrǵy halyq jóninde bolyp otyr, dep habarlady Science. Olardyń boıynyń ortasha uzyndyǵy shamamen 185 santımetrdi quraıdy. Bul qubylysty zertteýge Gert Stýlptiń basqarýymen Londondyq gıgıena jáne tropıkalyq medıtsına mektebiniń ǵalymdary kiristi.
Zertteý kezinde eldiń úsh soltústik provıntsııasyndaǵy júz myńdaǵan turǵyndar zertteldi. 45 jastan asqandarǵa kóp kóńil bólindi. Ǵalymdar boıy uzyn gollandyq erlerde boıy qysqalarǵa qaraǵanda balalary kóbirek bolatynyn, onymen qosa olar nekelerin jıirek buzyp, birneshe áıelden balalary bolatynyn anyqtady. Osylaısha boıdyń uzyn bolýyna jaýap beretin gender tabıǵı iriktelip, ósip-óný kezinde tarala túsedi, dep jazdy Ýtro.rý .
Stýlptiń pikirinshe, golland názik jandylary boıy uzyn erlerdi tańdaıdy.
Áıelderdiń boıy men balalarynyń sany arasynda esh baılanys tabylmady. Kerisinshe, boıy uzyn názik jandylar úshin áriptesin tabý qıynyraq eken.
