Gollandııalyq qazaq Murat Ónal shymkenttik komandanyń oıynshysy atanbaq
ASTANA. QazAqparat - Birinshi lıgada óner kórsetetin Shymkenttiń «Qyran» komandasyna gollandııalyq qazaq fýtbolshy Murat Ónal qosylatyn boldy.
Naýryz aıynyń basynda Túrkııanyń Alanııa qalasynda ótken oqý-jattyǵý jıynynda bapkerlerdiń kóńilinen shyqqan Murat jańa maýsymdy «Qyranda» bastaıdy. «Aıaks» mektebiniń túlegi, buryn Belgııa, Gollandııa, Fınlıandııa komandalarynyń formasyn kıgen qandasymyz alǵash ret atamekenine aıaq baspaq. Bul týraly Shymkent qalasy ákimi apparatynyń baspasóz qyzmetinen habarlaıdy. Aıta keteıik, birinshi lıga oıyndary 6 sáýirde bastalady. «Qyran» komandasy birinshi týrda «Astana-64» komandasyn qabyldaıdy. Murat Ónal 1987 jyly 20 shildede Túrkııanyń Salıhlı qalasynda dúnıege kelgen. Qazirgi turǵylyqty jeri - Amsterdam (Gollandııa). Boıy - 179 sm, salmaǵy - 76 kg. Oınaǵan komandalary: 2006-2007 jj. - Brıýgge (Belgııa) 2007-2008 jj. - Den Haag (Gollandııa) 2008-2012 jj. - Volendam (Gollandııa) jáne 2012-2013 jj. - Kaıanı (Fınlıandııa). Oıynshynyń pozıtsııasy: jartylaı qorǵaýshy, shabýyldaýshy.
