Gollandııalyq qazaq fýtbolshy Murat Ónal úılendi
ASTANA. QazAqparat - Gollandııalyq qazaq fýtbolshy Murat Ónal úılendi. Bul týraly prodıýser Nurmahan Muqanuly Feısbýktegi paraqshasynda jazdy.
«Dosym Murat Ónal úılendi! Gollandııada qazaqtar toılatyp jatyr. Naǵyz international toıda birinshi ret bolýym!», dep jazdy Nurmahan Muqanuly. 
Eske sala ketsek, Murat Ónal 1987 jyly Túrkııada dúnıege kelgen. Amsterdamda turdy. «Aıaks» fýtbol mektebiniń túlegi. Buryn Belgııa, Gollandııa jáne Fınlıandııa klýbtarynyń sapynda oınaǵan Murat Qazaqstan fýtbolyna qosylǵan shetelden kelgen alǵashqy qazaq. Ol 2014-2015 jyldary Qazaqstannyń fýtboldan birinshi lıgasynda shymkenttik «Qyran» komandasynda eki maýsym oınady. Keıinnen Gollandııa keri qaıtyp, Topklass dıvızıonyndaǵy komandalardyń biri «Lıssege» aýysty. Fýtboldaǵy pozıtsııasy jartylaı qorǵaýshy bolǵanymen, shabýylda da jaqsy oınaıdy.
Shymkentke kelgen betinde fýtbolshy jýrnalıstterge: «Qazaq qyzyna úılengim keledi, biraq fýtbol da mańyzdy. Sondyqtan úı bolý máselesi men sportty qatar alyp júremin» dep málim etken bolatyn.
