Gollandııalyq gımnasshy mas bolǵany úshin olımpıadalyq quramadan shyǵaryldy
ASTANA. QazAqparat - Gollandııanyń sporttyq gımnastıkadan qurama múshesi ıÝrı van Gelderdi Rıo-de-Janeıroda olımpıadaǵa qatysyp jatqan ulttyq komandadan shyǵaryp tastady.
Bul týraly NBC habarlady.
6 tamyzda sportshy shyǵyrshyqta jattyǵý kezinde irikteýdi sátti eńserip, 15 tamyzdaǵy fınaldyq básekege qatysýy tıis bolatyn. Alaıda, 7 tamyz, senbi keshke ol Olıpıadalyq qalashyqtan ketip, kelesi kúni tańerteń mas kúıinde oralǵan. Gollandııalyq qurama basshylyǵy 33 jastaǵy gımnasshyny jarystan shettetý sheshimin qabyldady. Onyń ornyna fınalǵa frantsýz Dennı Rodrıges shyǵady.
2009 jylǵy maýsymda van Gelder onyń dopıng-synamasynan kokaın tabylǵannan keıin bir jylǵa jarystan shettetilgen edi.
