Gollandııalyq baıqaýshylar qazaqstandyqtardyń saılaýdaǵy joǵary belsendiligin atap kórsetti
ASTANA. 3 sáýir. QazAqparat /Arman Asqarov/ - Nıderlandy Koroldiginiń Amsterdam ýnıversıtetiniń adıýtant-professory Laslo Karolı Marash QR Prezıdentiniń kezekten tys saılaýyndaǵy qazaqstandyqtardyń daýys berý belsendiligin joǵary baǵalady.
Bul týraly ol búgin Astanada ótken brıfıngte aıtty.
«Tańerteń men 8 saılaý ýchaskesinde boldym. Men qazaqstandyqtardyń saılaýdaǵy joǵary belsendiligin atap ótkim keledi»,-dedi Laslo Karolı Marash.
Onyń aıtýynsha, ol bizdiń elge alǵash ret kelip otyr. «Sondyqtan bolý kerek men Qazaqstandaǵy saılaýǵa úlken qyzyǵýshylyqpen keldim»,-dep atap kórsetti sheteldik baqylaýshy.
Laslo Karolı Marashtyń atap ótkenindeı, Qazaqstandaǵy saılaý naýqany ózgeshe ótýde, Eýropada ádette saılaýshylardyń belsendiligi tómen. «Batys Eýropada saılaýǵa qatysty qıyndyqtar týyndap jatady. Sebebi kóbine kóp oǵan saılaýshylar daýys berýge salǵyrttyq tanytyp, saılaýǵa jetkiliksiz adam kelip jatady. Mysaly, Eýroparlament saılaýyna halyqtyń tek 40 paıyzy daýys beredi. Qazaqstandyq jaǵdaı óte úlgili»,-dep atap kórsetti ol.
