Gollandııalyq bapker 2018 jylǵy ÁCh Reseıde ótkizýden bas tartýdy usyndy
ASTANA. QazAqparat - Gollandııa quramasynyń burynǵy bapkeri Djon van 't Shıp 2018 jylǵy ÁCh Reseıde ótkizýden bas tartýǵa shaqyrdy, dep habarlady «Sovetskıı sport».
«Nıderland koroldigi fýtbol odaǵyna, el úkimeti jáne FIFA: álem chempıonatyn Reseıde ótkizýden bas tartýlaryńyzdy suraımyn», - dep jazdy bapker «tvıtterde». Jazba «#MH017» heshtegimen tolyqtyryldy. Bul - 17 shildede Amsterdam - Kýala-Lýmpýr baǵytynda ushyp, Ýkraınanyń ońtústik shyǵysynda apatqa ushyraǵan ushaqtyń nómiri. Apat saldarynan 298 adam qaza tapty. Ýkraındyq kúsh qurylymdary men halyq jasaǵy birin biri kinálaýda.
Van 't Shıp Nıderland quramasynda 2004 jyldan 2008 jylǵa deıin bapker bolǵan. Búginde ol avstralııalyq «Melbýrn Sıtı» quramasyn jattyqtyrady.
2018 jylǵy álem chempıonaty 8 maýsymnan 8 shildege deıin. Oıyndar reseıdiń 11 qalasyndaǵy 12 stadıonda ótedi.
