Gollandııada kún qýatymen júretin otbasylyq avtomobıl jasaldy
ASTANA. QazAqparat - Eındhoven ýnıversıtetinen gollandtyq stýdentter kún batareıalarymen júretin otbasylyq avtomobıl jasap shyqty, dep habarlady Zele.ru.
Stella Lux dep atalatyn model tórt adamǵa eseptelgen. Mashına bıylǵy jyly keıinirek Avstralııada ótetin World Solar Challenge jarysyna qatystyrylatyn bolady.
Avtomobıldiń joǵary jyldamdyǵy saǵatyna 125 shaqyrym. Qoraby kómir talshyǵynan jáne alıýmınııden jasalǵan. Mashınanyń salmaǵy 375 keli. Stella Lux stýdentter 2013 jyly jasaǵan Stella avtomobıliniń bazasynda jasalǵan. Jańa nusqada jalpy aýdany 5,8 sharshymetrlik kún panelderi, sondaı-aq 15 kVt-tyq akkýmýlıator batareıasy bar.
