Gollandııada álemdegi eń úlken velosıped turaǵy salynady
ASTANA. QazAqparat - Gollandııanyń Ýtreht qalasynda álemdegi eń úlken velosıped turaǵy salynady. Jergilikti basylymnyń habarlaýynsha, sáıkes kelisimshart qalanyń mýnıtsıpalıteti men «BAM» qurylys toby arasynda jasalǵan.
Úsh qabatty nysan 12,5 myń velosıpedke arnalmaq. Al onyń qurylysy birinshi kezekte 8 mln. eýrony, al jalpy quny 48 mln. eýrony quraıdy.
Jerasty turaǵyn Ýtreht ortalyq temirjol stansasynyń aýmaǵynda turǵyzý josparlanyp otyr. Onyń qurylysy 2018 jylǵa qaraı aıaqtalýy tıis.
Statıstıkaǵa sáıkes, Nıderlandyda velosıpedter eldegi 16,8 mıllıonnan asatyn halyq sanynan da kóp kórinedi.
