Gollandııa brazılııalyqtardy 2:1 esebimen qapy qaldyrdy
ASTANA. Shildeniń 3-i. QazAqparat - Álem chempıonaty oıynynyń alǵashqy mınýttarynan basymdyqty qoldaryna alǵanymen, brazılııa qurama komandasy ekinshi taımda belsendilikterin ýystarynan shyǵaryp aldy. Sóıtip gollandııalyqtar álemniń bes dúrkin chempıondaryn qapy qaldyrdy. Shırek fınalda qaı komanda da barlyq kúshterin salatyny beseneden belgili. Alaıda brazılııalyqtar ekinshi kezeńde júıkeleri syr berip, kóptegen qatelikter jiberdi, dep habarlaıdy chempıondar lıgasynyń resmı saıty ru.uefa.com.
Brazılııalyqtar alǵashqy taımda Robınonyń dál soqqysynan qarsylastar qaqpasyna dop engizip, esep ashty. Alaıda Dýngıdiń komandasy ekinshi taımnyń 53-shi mınýtynda Felıpe Melo baspen uryp, óz qaqpasyna dop jiberip alǵannan keıin sharýalary shashyla bastady. Odan keıin 15 mınýt ótkende brazılııalyqtar qorǵanysta óreskel qatelik jiberip, «qyzylsarylyqtarynyń» mereıiniń ústem shyǵýyna jol ashty. Osy goldan keıin kóp ótpeı jatyp, Melo qyzyl kartochka aldy. Nátıjesinde gollandııalyqtar 1974 jyldan beri brazılııalyqtardy álem chempıonatynda tuńǵysh ret jeńip otyr
