Goldman Sachs boljamynan keıin Brent munaıynyń baǵasy $48 asty
ASTANA. QazAqparat - Goldman Sachs ınvestıtsııalyq konglomeratynyń naryqtaǵy munaı tapshylyǵy bolýy múmkin degen boljamynan keıin munaı baǵasy ósti. Dúısenbi tańerteń Brent markaly munaıdyń bir barreli 48,47 dollardan saýdalandy. Bul osyǵan deıingi kórsetkishten 64 tsentke artyq, dep habarlady Bı-bı-sı.
WTI markaly munaı barreli 1,3%, 46,81 dollarǵa deıin qymbattady.
Goldman Sachs boljaǵandaı, Nıgerııadaǵy qubyrlarǵa shabýyldaý jáne Kanada ormandaryndaǵy órt aǵymdaǵy jyldyń ekinshi toqsanynan keıin munaı óndirisiniń tómendeýine ákelýi múmkin.
Sarapshylar kelesi jyldyń basynda Iran men Iraktaǵy munaı óndirisiniń artýymen, Reseı, Saýd Arabııasy, BAÁ jáne Kýveıtte shyǵyny az munaı óndirisiniń ósimine baılanysty naryqtaǵy usynys kóp bolady dep kútýde.
Kompanııa sarapshylary munaı barreliniń baǵasy 2017 jyldyń sońyna qaraı 60 dollarǵa deıin ósedi dep boljap otyr.
Goldman Sachs baıandamasynda jazylǵandaı, aǵymdaǵy jyldyń ekinshi jartysynda munaıǵa degen jahandyq suranys aıyna 1,4 mln barrelge jetýi múmkin. Osyǵan deıin ınvestıtsııalyq toptyń sarapshylary álemdik suranys kúnine 1,2 mln barrel bolady dep boljaǵan.
