Golden Boy Promotions qazaqstandyq boksshyǵa kelisimshart ýáde etti

ASTANA. QazAqparat - Qazaqstandyq boksshy Bobırjon Momınov Golden Boy Promotions kompanııasymen kelisimshartqa otyrýy múmkin, bul týraly ol Sports.kz-ke aıtyp berdi.

«Osy jolǵy shartty aıaqtaǵannan keıin kelisimshart jasasýǵa ýáde etti, alaıda, aldymen olarǵa qolymnan ne keletinin kórsetýim kerek», - dep habarlady Momınov.

Qazaqstandyq boksshy Bobırjan Momınov meksıkalyq Saýl Alvarestiń Golovkınge qarsy daıyndyǵynda sparrıng-kómekshi bolatynyn buǵan deıin habarlaǵan edik.

Golovkın-Alvares jekpe-jegi 16 qyrkúıekte AQSh-tyń Las-Vegas qalasynda ótedi. Qazirdiń ózinde barlyq bıletter satylyp ketken. Ýaqyt aıyrmashylyǵyna baılanysty atalǵan jekpe-jek Qazaqstanda 17 qyrkúıek kúni tańerteń kórsetiledi.