Golden Boy: Golovkın «Kanelomen» jekpe-jekke shyqqysy kelmeıdi

ASTANA. QazAqparat - Golden Boy promoýterlik kompanııasynyń bas dırektory Oskar de la Hoııa Saýl «Kanelo» Alvares pen Gennadıı Golovkınniń ekinshi aıqasy týraly kelissózderdegi qıyndyqtar týraly aıtty, dep jazady Sports.kz.

Promoýter taıaý ýaqytta kúzgi jekpe-jekke basqa boksshylarmen kelissózder júrgizýdi bastaýǵa nıetti ekendigin aıtty. Sebebi, Golovkın rıngke meksıkalyqpen qaıta shyqqysy kelmeıdi. GGG men «Kanelo» rematchy 15 qyrkúıekte ótýi múmkin.

«Bizge Golovkınniń «Kanelomen» aıqasqysy kelmeıtini belgili. Olar usynǵan barlyq talaptardan keıin, «Kanelonyń» dopıng-synamasynan keıin, VADA baǵdarlamasyna kirgennen keıin jáne Nevada Atletıkalyq komıssııasynyń kezdeısoq ótkizgen testileýinen keıin GGG-diń qorqatyny anyq. Biz odan ári alǵa jyljyp, Denıel Djeıkobs, Bıllı Djo Sonders, Djermalla Charlo jáne Gerı O'Sallıvannyń adamdaryna qońyraý shalýdy bastaımyz», - dedi de la Hoııa The Ring-ke bergen suhbatynda.

Oskardyń aıtýynsha, Golovkınniń promoýteri Tom Leffler oǵan GGG-diń «aıqasqysy kelmeıtinin» aıtqan.

«Tomnyń bar aıtqany osy. Biraq, olar qazir qoldarynda bar sharttan basqasyn almaıdy», - dedi ol.