«Gold company» uıymdastyrýshylaryna qatysty tergeý aıaqtaldy
NUR-SULTAN. QazAqparat – «Gold company LTD» JShS uıymdastyrýshylaryna qatysty qylmystyq isti tergeý aıaqtaldy. Bul týraly ІІM Tergeý departamentiniń basshysy Sanjar Ádilov málim etti, dep habarlaıdy QazAqparat tilshisi.
«Gold company LTD» JShS uıymdastyrýshylaryna qatysty qylmystyq isti tergeý aıaqtaldy. Olar qaıta bólý maqsatymen azamattar aqshasyn tartý esebinen óz qyzmetin iske asyrǵan. Bul qylmystyq is boıynsha 2,5 myńnan astam zardap shekken adamnan shaǵym tústi. Keltirilgen shyǵyn 1,5 mlrd teńgeden asty», - dedi S. Ádilov mınıstrlik uıymdastyrǵan onlaın brıfıngide.
Onyń aıtýynsha, tekserý sharalary barysynda 32 mln teńgeden astam aqsha, túrli tehnıka alyndy. Ustalǵandar qamaýǵa alyndy. Reseıdiń eki azamaty ózderiniń qylmystyq áreketin iske asyrý maqsatymen Qazaqstanǵa kelgen.
Budan buryn habarlanǵandaı, Sanjar Ádilov «Garant 24 Lombard» isiniń mán-jaıyn aıtyp berdi.
