Golan jotalarynda Qazaqstannyń Memlekettik týy kóterildi
ASTANA. KAZINFORM - Golan jotalaryndaǵy Faýar bitimgerlik bazasynda Qazaqstan Respýblıkasynyń Memlekettik týyn kóterý saltanatty rásimi ótti. Otan qorǵaýshy kúni oryn alǵan bul tarıhı oqıǵa sımvoldyq mańyzǵa ıe.
Saltanatty is-sharaǵa mıssııa komandıri general-leıtenant Kýrmal Nırmal jáne mıssııa quramyndaǵy bitimgerlik kontıngentterdiń basshylary qatysty.
Qazaqstannyń Birikken Ulttar Uıymynyń bitimgerlik mıssııasyn óz betinshe oryndaýǵa mandat alýy – el áskerı qyzmetshileri daıyndyǵynyń joǵary deńgeıin jáne álemdik arenadaǵy bedelin moıyndaýdyń dáleli.
BUU mıssııasynyń mandatyna sáıkes Golan bıiktiginde 139 qazaqstandyq qarsylas taraptar arasynda atysty toqtatý rejımin saqtaý mindetterin oryndaıdy.
- Qazaqstandy memleketten tys jerde tanystyrý - úlken mártebe jáne jaýapkershilik, - dep atap ótti ulttyq bitimgerlik kontıngenttiń komandıri podpolkovnık Jiger Aıpov.
- Elimizdiń kók týy beıbitshilik pen turaqtylyqtyń úmittiń sımvoly bolsyn !
Qazaqstandyq bitimgerlik kontıngent mıssııa qolbasshysynyń rezervtik rotasy bola otyryp, jaýapkershilik aımaǵynda patrýldeý, blok-beketterin kúzetý jáne jarylys qaýpi bar zattardy tazartý jónindegi mindetterdi oryndaıdy.
Bitimgerlik rotanyń jeke quramy mıssııa shtaby ornalasqan Faýar bazasynda shoǵyrlanǵan. Ózderine júktelgen mindetterdi tıimdi oryndaý úshin qazaqstandyq bitimgerler barlyq qajettiliktermen qamtamasyz etilgen.
