Golan jotalarynda qazaqstandyq saperler 2 myńnan astam jarylǵysh zat pen oq-dárini joıdy
ASTANA. KAZINFORM - Qazaqstannyń Golan jotalaryndaǵy BUU-nyń bóliný aımaǵyn baqylaý jónindegi mıssııasy quramyndaǵy úshinshi ulttyq kontıngentiniń ınjenerlik-saperlik toby jarylǵysh zattardy anyqtaý, zalalsyzdandyrý jáne joıý jumystaryn júrgizip keledi, dep habarlaıdy QR Qorǵanys mınıstrlginiń baspasóz qyzmeti.
Bitimgerlik mıssııany atqarý kezeńinde bıylǵy mamyr aıynan bastap 15-ten astam is-shara ótkizilip, áskerı qyzmetshiler 350-den astam jarylǵysh zatty joıdy. Sonymen qatar 1800-den astam oq-dári de zalalsyzdandyryldy.
-Injenerlik-saperlik toptyń kásibı sheberligi, is-qımyldarynyń úılesimdiligi jáne qaýipsizdik talaptaryn qatań saqtaýy saperlerge qoıylǵan mindetterdi oryndap, jaýapkershilik aımaǵyndaǵy turaqty jaǵdaıdy qamtamasyz etýge múmkindik beredi,-delingen habarlamada.
Osyǵan deıin BUU mıssııasynyń qolbasshysy Golan jotalaryndaǵy qazaqstandyq bitimgerlermen kezdesken bolatyn.
