Golan jotalarynan oralǵan qazaqstandyq bitimgerler qyzmetin qaıda jalǵastyrady
ASTANA. KAZINFORM – Bitimgerlik mıssııadan oralǵan qazaqstandyq áskerılerdiń áleýeti qalaı paıdalanylady? Bul suraqqa QR Qorǵanys mınıstriniń tárbıe jáne ıdeologııalyq jumystar jónindegi orynbasary Shaıh-Hasan Jazyqbaev aıtty.
- Qazaqstan Qarýly Kúshteri jaýyngerlik aýmaqta bolǵan tájirıbeli árbir áskerı qyzmetshini óte joǵary baǵalaıdy. Osy mıssııa (Golan jotalaryndaǵy bitimgerler) aıaqtalǵannan keıin, ár jaýynger óziniń jergilikti qyzmet ornyna, ıaǵnı áskerı bólimine oralady, - dedi Shaıh-Hasan Jazyqbaev Májilistiń jalpy otyrysynda depýtattar suraǵyna jaýap bere otyryp.
Onyń aıtýynsha, joǵary mansaptaǵy qyzmetke taǵaıyndaý kezinde jaýyngerlik daıarlyǵy joǵary jáne tájirıbeli osy áskerı qyzmetshilerge basymdyq beriledi.
Sonymen qatar Qazaqstannyń bitimgerlerine qansha ótemaqy qarastyrylǵany týraly jazǵan bolatynbyz.
Eske salsaq, 2024 jyly naýryz aıynda qazaqstandyq bitimgerlerdi Golan bıigine shyǵaryp salý rásimi ótti.
Jaqynda Golan jotalaryndaǵy qazaqstandyq bitimgerler medalmen marapattaldy.