Golan jotasyna baratyn qazaqstandyq bitimgerler arasynda merzimdi qyzmet áskeri joq - mınıstr
ASTANA. KAZINFORM – Qorǵanys mınıstri Rýslan Jaqsylyqov Golan bıigine jiberiletin qazaqstandyq bitimgerler arasynda merzimdi qyzmet áskeri joq ekenin aıtty.
«Bitimgerlik bólimshelerde merzimdi qyzmet áskerleri joq. Sáıkesinshe, ol quramda kásibı áskerıler ǵana bar. Bul – kelisimshart boıynsha qyzmet etip júrgen áskerıler men ofıtserlik quram. Kelisimshart boıynsha qyzmet etetin áskerılerdiń ortasha jasy 25, 27, 30 jas», - dedi mınıstr.
Onyń aıtýynsha, atalǵan kontıngent saqtandyrý sharalarymen de qamsyzdandyrylǵan.
«Qorǵanys týraly zańǵa sáıkes, Qarýly Kúshterge kelip, kelisimshart jasaǵan árbir áskerı qyzmetshini memleket saqtandyrady», - dedi Rýslan Jaqsylyqov.
Aıta keteıik, Parlament qazaqstandyq áskerılerdiń BUU mıssııalaryna qatysý týraly Joldaýyn maquldady.
