Golften "Qazaqstan Open" týrnırinde Krıstof Brazıler kósh bastady
ALMATY. Qyrkúıektiń 10-y. QazAqparat /Erlik Erjanuly/ - Keshe Almatyda óz jalaýyn kótergen VI "Qazaqstan Open" golf týrnırinde Krıstof Brazıler top bastap keledi, dep habarlaıdy QazAqparat.
Oǵan álemniń 24 elinen 132 sportshy qatysyp jatyr. Jarystyń alǵashqy kúni 64 (-8) soqqymen frantsııalyq Krıstof Brazıler alǵa shyqty. Odan keıingi orynda 65 soqqymen (-7) avstralııalyq Denıel Gaýnt pen shveıtsarııalyq Mangýs Krlsson kele jatyr. Al bul dúbirli dodanyń ótken jylǵy fınalısi aǵylshyn Krıs Geın ázirge týrnır kestesiniń 6-shy satysynda tur. Onda qazir el namysyn 4 kásipqoı (Igor Savıtskıı, Andreı Lagaı, Konstantın Lıfanov pen Aleksandr Vongaı) jáne 2 áýesqoı ( Nurlan Maqulbekov pen Ádil Muhamedjanov) qorǵaýda.
«Jaılaý» golf golf kýrortynda ótip jatqan bul baıraqty báseke qyrkúıektiń 12-sine deıin sozylady. Eýropalyq Chelendj Týrdyń eń belgili jarystarynyń biri bolyp tabylatyn saıystyń júlde qory 400 myń eýrony quraıdy.
