Gogoldiń basyn Kıev kóshelerimen alyp ótpek
ASTANA. QazAqparat - Ýkraınada Nıkolaı Gogoldiń týǵan kúnin toılaýǵa daıyndalyp jatyr. Erekshe aktsııa osyǵan oraılastyryldy: Kıev kóshelerimen jazýshynyń basyn alyp ótý jaıly sheshim qabyldandy.
Bul týraly sharany uıymdastyrýshylar áleýmettik jelilerde habarlady.
Bas temirden jasalmaq. Ol Gogoldiń 207 jyldyǵyna arnalǵan festıvaldiń sımvolyna aınalady.
Alyp túrli tústi músindi Kıevtiń belgili eskertkishteriniń mańynan, alańdary men mádenı oryndary alyp ótedi. Kolonna toqtaǵanda kostıým kıgen akterler mını-perfomanstar uıymdastyrady, dep jazdy tvzvezda.ru.
