Godýnova: Jergilikti bıýdjetterge túsetin túsimdi boljaý júıesin jetildirý qajet

NUR-SULTAN. QazAqparat – Jergilikti bıýdjetterge túsetin túsimderdi boljaý júıesin jetildirý qajet. Bul týraly QR Parlamenti palatalarynyń birlesken otyrysynda Respýblıkalyq bıýdjettiń atqarylýyn baqylaý jónindegi esep komıtetiniń tóraıymy Natalıa Godýnova aıtty, dep habarlaıdy QazAqparat tilshisi.

«Óńirlik saıasattyń mańyzdy bóligi - sýbventsııalardy bólý jáne alyp qoıýdy belgileý. Aýdıttiń pikirinshe, ádisnamanyń ózin jetildirý kerek. Sebebi jalpy sıpattaǵy transfertterdiń maqsaty – bıýdjetti teńestirý de durys aıqyndalmaǵan. Múmkin, bıýdjetaralyq aýdarymdardyń maqsaty ártúrli óńirlerdegi adamdardyń ómir súrý jaǵdaılaryn teńestirý bolýy kerek shyǵar. Sondaı-aq jergilikti bıýdjetterge túsetin túsimderdi boljaý júıesin jetildirý qajet», - dedi ol.

Komıtet tóraıymy shyǵyndardy áleýmettik jáne ınjenerlik ınfraqurylymnyń naqty jaǵdaıyn eskere otyryp, óńirlerdiń naqty qajettilikterine súıene otyryp aıqyndaý kerektigin basa aıtty.

«Salyq áleýetin damytýda yntalandyrý bolýy tıis. Sosyn respýblıkalyq jáne jergilikti bıýdjetter arasynda bıýdjet qarajatynyń qarsy aǵynyn qysqartý qajet. Másele óte mańyzdy ári kúrdeli. Memleket basshysynyń tapsyrmasy boıynsha bul másele Reformalar jónindegi joǵary keńestiń qaraýyna engiziletin bolady», - dedi Natalıa Godýnova.