«Goblın rejımi» aǵylshyn tilindegi jyl sózi bolyp tanyldy

LONDON. QazAqparat - Aǵylshyn tilindegi Oksford sózdigi nusqasy boıynsha «Goblın rejımi» slengtik tirkes 2022 jyldyń sózi bolyp tanyldy, dep habarlaıdy QazAqparat tilshisi.

Bıyl Oksford ýnıversıtetiniń baspasy alǵash ret jyl sózin daýys berý arqyly anyqtady. Jurtshylyqqa sózdikti qurastyrýshylar usynǵan úsh nusqanyń birin tańdaý usynyldy.

Avtorlar sózdiń maǵynasyn «óte ózimshil, jalqaý, salaq nemese ashkóz, bir sózben aıtqanda áleýmettik normalardy elemeıtin» kórinis retinde sıpattaǵan. Osy tańdalǵan sózge eki apta ishinde 300 myńnan astam adam daýys bergen.

Til mamandarynyń aıtýynsha, koronavırýs pandemııasyna baılanysty engizilgen shekteýlerdi alyp tastaǵannan keıin de adamdardyń qalypty ómir saltyna oralǵysy kelmeýi bul termınniń taralýyna yqpal etti.

Reıtıngte ekinshi oryndy «metaálem» sózi tur. Bul adamdardyń birneshe kanal arqyly bir-birimen qarym-qatynasynyń vırtýaldy keńistigin bildiredi. Úshinshi orynda #IStandWith («menqoldaımyn») heshtegi tur.

Foto: bernardojorge.adv.b