Gobı shólinde álemdegi eń úlken túıe jarysy ótti
ASTANA. QazAqparat - Gobı shólinde álemdegi eń úlken túıe jarysy ótti. 1 115 janýar qatysqan oqıǵa Gınnestiń rekordtar kitabyna engiziletin bolady, dep habarlady Lenta.rý.
Qatysýshylar 15 shaqyrym joldy shaýyp ótýi tıis bolǵan. Jeńis máresine júırik janýar 35 mınýt 12 sekýndta jetti. Jarystyń 68-shi mınýtynda sońǵy qatysýshy (1108-shi túıe) kómbege jetkennen keıin ǵana saıystyń aıaqtalǵany habarlandy.
Jarys «Mońǵol túıesi-999» sharasy aıasynda ótti. Túıe báıgesin «Týmen temee» túıelermen saıahat jasaý qaýymdastyǵy men Mońǵolııa jastary odaǵy uıymdastyrǵan.
Túıelerdiń jyl saıynǵy festıvali 1997 jyldan beri Mońǵolııanyń Dalanzadgad qalasy mańynda ótedi. Bul jarys jergilikti turǵyndarǵa týrızmnen túsetin tabystyń ósýine sep eken. Jarystan basqa, túıeshiler janýarlaryna minip polo oınaıdy.
Buǵan deıingi álemdik rekord Qytaıdyń soltústigindegi Іshki Mońǵolııa aıdanynda ornatylǵan, ol kezde jarysqa 550 túıe qatysty.
Túıeler báıgesi sondaı-aq, Pákistan, Saýd Arabııasy, Mysyr, Bahreın, Iordanııa, Katar, Birikken Arab Ámirlikteri, Oman jáne Avstralııa aýmaǵynda ótkizilip turady.
