«Go nomads» baǵdarlamasy qaıta jandandyryldy
«Halyqaralyq baǵdarlamalar ortalyǵynda «Go Nomads» baǵdarlamasy qaıta jandandyryldy. Atalǵan baǵdarlama elimizdiń joǵary oqý oryndary úshin aǵylshyn tili oqytýshylaryna kómekshi retinde sheteldik eriktiler men TEFL (Teaching English as a Foreign Language) ádiskerlerin tartýǵa baǵyttalǵan. Maqsat aǵylshyn tildi qazaqstandyq turǵyndardyń, onyń ishinde jastardyń qataryn kóbeıtý», delingen habarlamada.
Eriktiler jergilikti stýdentterge aǵylshyn tilinde erkin sóıleý qabiletin arttyryp, tildik kedergilerdi joıýǵa kómektespek jáne ózderiniń mádenıeti, ómirlik tájirıbeleri, bilgen-túıgenderimen bólisetin bolady.
Budan bólek túrli pikirtalas klýbtary men sessııalaryn uıymdastyrmaq. Olar úshin «Go Nomads» baǵdarlamasy jańa eldi jan-jaqty tanyp bilýge, sondaı-aq túrli adamdarmen tanysýǵa erekshe múmkindik bermek.
Baǵdarlamaǵa ótinish bergender jyl boıy qabyldanady. Onyń uzaqtyǵy: 1 aıdan 6 aıǵa deıin, kúnine 4–5 saǵat, aptasyna 5 kún dúısenbi – juma aralyǵynda ótkiziledi.
Baǵdarlama jasy 21-ge tolǵan, aǵylshyn tilinde erkin sóıleı alatyn, bilimderi men ómirlik tájirıbelerin bóliskisi keletin adamdarǵa arnalady.
Baǵdarlama boıynsha tegin baspana (jataqhana nemese jaldamaly páter), úsh mezgil tamaq, baryp-kelý áýe bıleti, bazalyq medıtsınalyq saqtandyrýmen qamtylady.
Qatysýshylarǵa qoıylatyn talaptar: jasy 21-ge tolýy kerek; bakalavr nemese magıstr dárejesine ıe, shet tili retinde aǵylshyn tilinen oqytý tájirıbesin rastaıtyn sertıfıkaty bar maman bolýy qajet.
