Gnom qazaq kúresinen Eýropa chempıonatynyń sımvolyna aınaldy

NUR-SULTAN. QazAqparat - Halyqaralyq Qazaq quresi federatsııasy qazaq kúresinen Eýropa chempıonatynyń «tumaryn» bekitti. Ol - gnom músini. Gnomnyń sımvol retinde tańdalýy kezdeısoq emes, dep habarlaıdy QazAqparat federatsııanyń baspasóz qyzmetine silteme jasap.

Eske sala keteıik, qazaq kúresinen Eýropa chempıonaty maýsym aıynda Polshanyń Vrotslav qalasynda ótedi.

«Bul qala óziniń erekshe arhıtektýrasy, qonaqjaılyǵymen ǵana emes, qala ishindegi kóptegen gnom eskertkishterimen erekshelenedi. Alǵashqy 40-santımetrlik gnom eskertkishi Vrotslav qalasynda 2001 jyly ornatylǵan. Sodan beri qala ishinde túrli gnom eskertkishteri kóbeıe bastaǵan. Búginde Vrotslavtaǵy kóptegen uıymdar men fırmalar tarıhı jádiger retinde gnomdarǵa arnaıy tapsyrys berip, ony ornatýdy dástúrge aınaldyrǵan. Sáıkesinshe, gnomdar qazirgi tańda qalanyń týrıstik brendine aınaldy. Tipti, gnomdar ornalasqan kóshelerge arnaıy kartalar jasalǵan» dep málimdedi federatsııanyń baspasóz qyzmeti.

Eger qazaq kúresinen Eýropa chempıonatynyń bıylǵy «tumaryna» nazar aýdarar bolsaq, bizdiń gnom qazaq kúresiniń arnaıy kıimin kıgen. Basqalardan ereksheligi de - osy.

«Aldaǵy Eýropa chempıonatynyń «tumary» búginde qazaq sporty tarıhynyń bir bóligine aınalyp úlgerdi. Vrotslav qalasynyń qonaqtary men turǵyndary gnom janynda estelik sýretke túsip qana qoımaı, óz arman-tilekterin tileýdi dástúrge aınaldyrǵan. Tumar-gnom palýandardyń rýhyn kóterip, jigerlendirip, sportshylarǵa sáttilik ákeletinine senemiz» delingen habarlamada.