Gmail qaýipsizdik sharalaryn kúsheıtti — Google

ASTANA.KAZINFORM - Google Gmail-diń qaýipsizdik tetikteri berik ári tıimdi bola túskenin aıtty, dep habarlaıdy Kazinform.

- Jaqynda biz Gmail paıdalanýshylaryna qaýipsizdik salasynda úlken problema bary týraly eskertý berdik degen jalǵan aqparat tarady. Bul múlde shyndyqqa janaspaıdy, - dedi Google 1 qyrkúıekte.

Kompanııa fısherler únemi kompanııanyń elektrondy poshtasyn buzý joldaryn izdegenimen, ondaǵy júıeler fıshıng pen zııandy baǵdarlama áreketteriniń 99,9%-dan astamyn bloktaýǵa qaýqarly ekenin túsindirdi.

- Qosymsha qorǵaýdyń eń úzdik tájirıbesi retinde paıdalanýshylarǵa ruqsat kiltteri sııaqty senimdi qupııa sóz balamasyn paıdalanýdy jáne fıshıngtik shabýyldardy anyqtaý jáne habarlaý úshin osy usynystardy oryndaýdy usynamyz, - dep qosty kompanııa.

Aıta keteıik, QR Bas prokýratýrasy Quqyqtyq statıstıka jáne arnaıy esepke alý komıtetiniń Qylmystyq qaterlerdi jáne qoǵamdyq qaýipsizdik táýekelderin boljaý ortalyǵy ǵalamdyq ınternet keńistigine monıtorıng júrgizý barysynda Google derekter bazasyn buzýǵa baılanysty kıberqaýipti anyqtaǵan bolatyn. Bas prokýratýranyń habarlaýynsha, uıymdastyrýshy ShinyHunters toby qupııa sózder tikeleı urlanbaǵanymen, 2,5 mıllıard Gmail tirkemesin qamtıtyn baılanys aqparaty men kompanııa ataýlaryna qol jetkizgen.