Glýbokoe aýdanynda sý tasqynynyń aldyn alý úshin jańa kópir salyndy

ÓSKEMEN. QazAqparat – Shyǵys Qazaqstan oblysy Glýbokoe aýdanynda sý tasqynynyń aldyn alý úshin kópir salyndy, dep habarlaıdy QazAqparat tilshisi.

Búgin óńirge jumys saparymen Parlament Májilisiniń depýtattary Erlan Saırov, Zarına Kamasova men Edil Jańbyrshın keldi.

Ondaǵy negizgi maqsat – sý tasqyny qaýpi joǵary ýchaskelerdi aralap, qutqarýshylardyń daıyndyq jumystaryna tekserý júrgizý.

«Birinshi kezekte olar Glýbokoe aýdany Beloýsovka kenti Glýbochanka ózenindegi bógenge baryp, sondaǵy ahýalmen tanysty. Odan soń sý basý qaýpi týyndap otyrǵan Progress jáne Predgornoe aýyldaryna taban tirep, tasqynnyń aldyn alý sharalaryn qadaǵalady. Búginde Glýbokoe aýdanynda 2335 adam turatyn 925 úıdi sý basýy múmkin», - dep habarlady ShQO TJD baspasóz qyzmeti.

Sý tasqynyna qarsy is-sharalar aıasynda Progress aýylynda jańa kópir salyndy. Ol qarǵyn sýdyń ótkizilýin ulǵaıtýǵa múmkindik beredi.

Aıta keteıik, jaǵdaı shıelenisken jaǵdaıda aýdanda jeke quramnan 50 adam, 10 tehnıka jáne 34 motopompa daıyn tur.