Gleb Novıkov jasóspirimder Olımpıadasynda jeńimpazdan 59 sekýndqa qalyp qoıdy
ASTANA. KAZINFORM — Dakarda (Senegal) ótip jatqan IV jazǵy jasóspirimder Olımpıadasynda tasjoldaǵy velosporttan uldar arasynda toptyq jarys máresine jetti.
Bul saıysta Qazaqstan namysyn Gleb Novıkov qorǵady.
Otandasymyz 76,5 shaqyrym qashyqtyqty 1 saǵat 48 mınýt 3 sekýndta júrip ótip, 22-shi bolyp máre syzyǵyn kesti. Ol jeńimpazdan 59 sekýndqa qalyp qoıdy.
Jarysta belgııalyq Daan Vılmsen top jaryp, altyn medal ıelendi. Onyń nátıjesi — 1:47:04. Reseılik Stepan Bortnık kúmis júldege qol jetkizse, aýstralııalyq Kaleb Makkenzı qola medal jeńip aldy.
Úsh sportshy da jarysty birdeı ýaqytta aıaqtady. Júldegerler márege kimniń birinshi jetkenine qaraı anyqtaldy.
Eske salaıyq, Dakardaǵy Olımpıada oıyndarynda Qazaqstan atynan 18 sportshy óner kórsetip jatyr. Qazirgi tańda qorjynymyzda eki medal bar. Dzıýdoshy Fatıma Supyǵalıeva altyn júlde ıelense, trıatlonshy Ramazan Áınegov qola medal jeńip alǵan edi.
Sondaı-aq Qazaqstan Ulttyq Olımpıadalyq komıtetiniń prezıdenti Gennadıı Golovkın Dakarda (Senegal) IV jazǵy jasóspirimder Olımpıadasyna qatysyp jatqan qazaqstandyq sportshylarmen júzdeskenin jazǵanbyz.
