Glamour jýrnaly ánshi Rıannany «Jyl áıeli» dep atady
ASTANA. Qarashanyń 5-i. QazAqparat - Sán týraly Glamour jýrnaly 2009 jylǵy basty áıelderdiń tizimin jarııalady,
dep habarlaıdy QazAqparat Lenta. Rý saıtyna silteme jasap.
Bul jóninde jýrnaldyń jeltoqsandaǵy nómirinde aıtylǵan. Basqalarmen qatar, reıtıngke AQSh-tyń birinshi hanymy Mıshel Obama , tennısshi Serena Ýılıams jáne modeler Stella Makkartnı engen.
Pop-ánshi Rıanna jyldyń eń basty áıeli bolyp tanyldy. 2009 jyly Rıanna BAQ-tyń nazaryna óziniń jigiti Krıs Braýnmen janjaldy oqıǵaǵa baılanysty ilingen bolatyn. Aqpanda ol ánshini soqqyǵa jyqqan edi. Glamour 21 jasar Rıannanyń minez-qulqy onyń reıtıngte birinshi oryn alýyna negizgi sebepterdiń biri bolǵanyn atady. Qarashanyń 23-inde ánshiniń «Rated R» degen ataýmen jańa albomy shyǵady.
Tizimde ekinshi oryndy Kalıfornııanyń gýbernatory Arnold Shvartsenegger diń áıeli, sondaı-aq belgili telejýrnalıst jáne jazýshy Marıa Shraıver ıelendi. Úshinshi jolǵa modeler jáne The Beatles qatysýshysy Pol Makkartnı diń qyzy Stella ornalasty. 2009 jylǵy áıelder reıtınginde Mıshel Obama aıryqsha nazarǵa alyndy.
