Gladıatorlar sııaqty: Mask pen Tsýkerberg Kolızeıde kúsh synasady
NЬıÝ-IORK. QazAqparat – Italııa úkimeti Rım Kolızeıinde Ilon Maskke qarsy UFC jekpe-jegin uıymdastyrý úshin Mark Tsýkerbergpen baılanysqa shyqty, dep habarlaıdy QazAqparat TMZ Sports basylymyna silteme jasap.
Italııa Mádenıet mınıstri Kolızeıde álem tarıhyndaǵy eń úlken aıqasty uıymdastyrý isine qatysty birneshe kún buryn Tsýkerbergpen habarlasqan. Al Tsýkerberg komandasy UFC prezıdenti Dana Ýaıtqa habarlama jiberdi. Onyń adamdary eldiń Mádenıet mınıstrimen baılanysqan.
Álemniń 7 keremetiniń biri sanalatyn, jekpe-jek ótkiziletin orynǵa keler bolsaq, 2000 jyldyq tarıhy bar amfıteatrda júzdegen jyl boıy úlken is-shara ótpegen.
2003 jyly Ser Pol Makkartnı Kolızeıde 400 kórermenge arnap eksklıýzıvti qaıyrymdylyq shoýyn ótkizgen bolatyn. Kórermenniń árqaısysy 1 500 dollardan tólegen edi. Ad qalǵan kontsertter ǵımarattyń syrtynda ótkizilgen. Ázirge Mask pen Tsýkerberg aıqasy qaıda ótetini (Kolızeı ishinde nemese syrtynda) belgisiz.
Mundaǵy qarsylastardyń salmaǵy men boıyndaǵy aıyrmashylyq eń úlken kedergi bolyp otyr. Óıtkeni Mask Tsýkerbergten áldeqaıda iri jáne uzyn. Degenmen aldaǵy ýaqytta ereje ózgerýi múmkin.
Eske salaıyq, buǵan deıin Ilon Mask Mark Tsýkerbergke qarsy jekpe-jekke qyzý daıyndyq júrgizip jatqanyn habarlaǵan edik. Qos mıllıarderdiń oktagonda jekpe-jek ótkizýine qatysty ıdeıa 20 maýsymda týyndaǵan.
