Ǵızat Nurdáýletov eldegi quqyqtyq reformalar týraly aıtty
«Qazaqstan Respýblıkasy Prezıdentiniń tapsyrmasy boıynsha quqyq qorǵaý blogy men sot júıesin reformalaýǵa baǵyttalǵan úlken jumys júrip jatyr. Prokýratýra organdarynyń qyzmetin qaıta júktep jatyrmyz dese de bolady. Mundaǵy maqsattardyń biri – salalardyń bárinde, eń birinshi qylmystyq protsestterde azamattardyń quqyqtyq kepildigin kúsheıtý. Búgin biz áriptesterimizge tájirıbemizdi almasyp, osy jumystyń nátıjeleri týraly aıtyp beremiz», - dedi ol TMD-ǵa múshe memleketter bas prokýrorlarynyń úılestirý keńesiniń májilisinde.
Aıta keteıik, búgin elordada TMD-ǵa múshe memleketter bas prokýrorlarynyń úılestirý keńesiniń jıyny ótip jatyr.
Jıynda QR Bas prokýrory bıyl TMD-ǵa múshe memleketterdiń kóbi el táýelsizdiginiń 30 jyldyǵyn toılap jatqanyn eske saldy. «Bıyl aramyzda kóptegen elder Táýelsizdiktiń 30 jyldyǵyn atap ótip jatyr. Osy jyldar ishinde biz zańdylyqty nyǵaıtý jáne qylmysqa qarsy kúres isinde mańyzdy baǵyttar boıynsha baılanysymyzdy ydyratpaı, jemisti yntymaqtastyq ornattyq», - dep túıindedi Ǵızat Nurdáýletov.
