Gıtlerdiń kartınasy bássaýdada 130 myń eýroǵa satyldy
ASTANA. QazAqparat - Nemisterdiń Weidler aýktsıon úıi senbi kúni ótken bássaýdada Adolf Gıtler salǵan «Staraıa ratýsha» kartınasyn 130 myń eýroǵa satty. Ony arnaıy aýktsıonǵa qatysýǵa Taıaý Shyǵystan kelgen kollektsııa jınaýshy satyp alǵan.
Kartınanyń bássaýdadaǵy bastapqy baǵasy 4,5 myń eýro bolǵan.
Kartına 1914-1915 jyldary akvarelmen salynǵan. Sonymen birge jıyntyqta onyń túpnusqa ekendigin dáleledeıtin arnaıy sertıfıkat bar. Kartınadan túsken qarajattyń 10 paıyzy qaıyrymdylyqqa jumsalmaq. Aıta keteıik, buǵan deıin Weidler Gıtlerdiń 5 kartınasyn satqan bolatyn. Olardyń ishindegi eń qymbaty 2012 jyly 40 myń dollarǵa satylǵan, dep jazady sheteldik BAQ.
