Gıtler týraly aıtqan amerıkalyq tanymal reperdiń tvıtterdegi akkaýnty buǵattaldy
ASTANA. QazAqparat – Reper Kane Ýesttiń tvıtterdegi akkaýnty «Gıtler týraly daýly málimdemeler» jazǵany úshin taǵy da buǵattaldy. Bul týraly beısenbi kúni Ilon Mask medıaplatformasy men áleýmettik jelileriniń ıesi jazdy, dep habarlaıdy QazAqparat Euronews-ke silteme jasap.
Keıbir derekkózderdiń jazýynsha, amerıkalyq reper Ýest jýrnalıst Aleks Djonspen suhbatynda Gıtler men natsısterge degen tańdanysyn bildirgen.
«... Ár adam ózinshe qundy, ásirese Gıtler. Men Gıtlerdi jaqsy kóremin», - dedi Ýest radıodan.
Onyń akkaýnty toqtatylatynyn jarııalaǵan Mask kóptegen mýzykalyq syılyqtardyń ıegeri «zorlyq-zombylyqqa shaqyrýǵa» tyıym salatyn Twitter erejelerin buzǵanyn túsindirdi.
Aıta ketsek, Ýesttiń akkaýnty - Twitter-degi eń tanymal jáne daýly akkaýnttardyń biri.
Eske salsaq, Ilon Mask bıylǵy qazan aıynyń sońynda Twitter-di 44 mıllıard dollarǵa satyp alǵan edi. Sodan keıin Ilon Mask Donald Tramptyń Twitter-akkaýntyn bloktan shyǵardy.