Gir sportynan álem chempıonatynda qazaqstandyqtar jeńis tuǵyrynan kórindi
ASTANA. 5 jeltoqsan. QazAqparat - Jaqynda Reseıde gir sportynan álem chempıonaty ótti. Onda Qazaqstan sportshylary joǵary nátıjege qol jetkizdi.
22 memleketten 250-den astam som bilekti atlet saıysqa túsken búkilálemdik birinshiliktiń jalpykomandalyq esebinde Qazaqstan sportshylary úshinshi orynǵa ıe boldy.
32 keli gir tasyn kóterýden aqtóbelik Evgenıı Goncharov taǵy da teńdessiz shyǵyp, bıyl da álem chempıony atandy. Ol 10 mınýtta 32 keli gir tasyn 85 ret kóterdi.
Sondaı-aq temirtaýlyq Tatıana Potemkına da kásibı sportshylar arasynda álem chempıony atandy. Petropavl qalasynyń ókili Vladıslav Tretıakov julqa kóterýde álem rekordyn jańartyp, chempıonattyń kúmis júldegeri atandy.
Al Nursultan Kúldeev, Jadyra Qanapııanova, Tımýr Múshekenov, Mıhaıl Vologodskıı, Sergeı Karpenko, ıÝrıı Konstantınov jáne taǵy da basqa sportshylarymyz qola júldege ıe boldy, dep habarlady alasharena.kz.
