Gıpofosfatemııalyq rahıtpen aýyratyn patsıentter dárimen qamtamasyz etiledi

ASTANA. KAZINFORM – Densaýlyq saqtaý mınıstrligi jergilikti atqarýshy organdarmen birlesip sırek kezdesetin «gıpofosfatemııalyq rahıt» dıagnozy bar patsıentterdi Býrosýmab (Krısvıta) dárilik zatymen qamtamasyz etý máselesin pysyqtady. Bul týraly Densaýlyq saqtaý mınıstrliginiń baspasóz qyzmeti habarlady. 

— Búgingi tańda elimizde osy dıagnozy bar 26 patsıent tirkelgen, onyń 10-y aǵymdaǵy jyldyń sońyna deıin «Qazaqstan halqyna» qory qarajatynyń esebinen satyp alynǵan preparatpen qamtamasyz etilgen. 2026 jyldan bastap barlyq 26 patsıent úshin dárilik preparatty satyp alý jergilikti bıýdjet qarajaty esebinen 4,1 mlrd teńge somasyna tolyq qarjylandyrylatyn bolady, — delingen mınıstrlik habarlamasynda.

18 tamyzda Densaýlyq saqtaý mınıstri Aqmaral Álnazarova dári-dármekpen qamtamasyz etý máseleleri boıynsha odan arǵy qadamdardy talqylaý úshin gıpofosfatemııalyq rahıtpen aýyratyn balalardyń ata-analarymen kezdesý ótkizedi. 

Aıta ketelik bıyl Qazaqstanda alǵash ret 1 000-nan astam adamnan búırek obyry anyqtaldy.