Gınnestiń rekordtar kitabyna kirgen dombyra - FOTO
ASTANA. QazAqparat - Altaı aımaǵy Býyrshyn aýdanynyń Egiztóbe aýylyndaǵy sheber azamat Bolatbek Kirimqanuly sıyrdyń múıizin kádege jaratýda.
Bolatbek ótken jyly kúzden bastap, 145 myń ıýannyń (23 myń AQSh dollary) tapsyrysyn alyp, múıizden rómke jáne taraq, ózge de buıymdardy jasaýdy qolǵa alǵan. Qazir olardyń teń jartysyn bolyp, qalǵanyn bıyl qyrkúıek aıyna deıin bitirýdi josparlap otyr. Sheber qolónerge kerek múıizdi Úrimji qalasyndaǵy qasaphanalardan ár kelisin 25 ıýannan bólshek baǵamen satyp alady. Múıizderdi neshe ret qaınatyp, ishki ózegin alyp, kúlimsi ıisinen aryltady. Jáne arnaıy suıyqtyqtarmen tazalap jýyp, eń sońynda aspappen syrtyn ysyp maıdalap, eshqandaı boıaý istetpeı múıizdiń tabıǵı reńi boıynsha óńdep shyǵarady.
Bul ári kórkem ári zalalsyz tutyný buıymyna aınalyp, kórgen adamdy ózine tartady.
Sondaı-aq, Bolatbek - álemdegi eń kishkene dombyra jasap, Gınnestiń rekordtar kitabyna kirgenin rastaıtyn №01-1201-09541 kýáligin alǵan azamat. Atalǵan dombyra qyzyl aǵashtan qııýlastyryp jasalǵan. Ol kúı aspabyna tán barlyq sharttarǵa saı. Inemen ilip shertýge ǵana bolatyn «rekord ıesiniń» úlkendigi adamnyń shynashaǵyna da jetpeıdi. ıAǵnı, uzyndyǵy - 4,5 sm, eni - 1,4 sm, bıiktigi 1,2 sm ǵana.
